Проектна активност- Те знам, но колку те познавам... „Книга на тајните“ Автори Весела Б. и Михајло Костов

ОУ „Кочо Рацин“ с.Ивањевци, Могила
II, V, VI, VII, VIII  и  IX
ПРОЕКТНА АКТИВНОСТ (3 седмици за I и II и III фаза) ОЖВ. Македонски јазик. Математика. Дополнителна. Додатна
Комуникацијa. Разрешување на конфликити. Воспоствување и одржување врски. Вежби за читање и убаво пишување. Подредување на настани според годишни времиња, месеци, датуми. Класифицирање и претставување на податоци. 

Преку 90 % од нашите ученици користат социјални мрежи и ги опишуваат како „супер места“ за другарување и комуникација. Често имаат впечаток дека знаат се за секого дури и ако само го имаат на листа пријатели. Честитаат родендени што ги „памети“ Фејзбук со копи-пасте пораки или спремни анимации. Се поретко комуницираат во живо, дури и со најблиските, за убави поводи и за недоразбирања. При обиди за решавање на проблеми преку дигитални пораки, доживуваат заморни дебати кои резултираат со конфликти кои продолжуваат и растат поради низа нови недоразбирања.  Се согласуваме дека социјалните мрежи се супер откритие за брза комуникација, но живата комуникација има предности од суштинско значење кои треба да ги разликуваат,  чувствуваат и негуваат:  АКТИВНОСТИ ПРВА ФАЗА ( А и Б)
А- 1. „Мои познати и „непознати“ пријатели.“ Анализи и дебати поврзани со лични искуства и примери.
 2.  „Можните, реалните и сфатените „вистинизад  објавени фотографии и објави“ (Гледаме „форма“ и мислиме дека ја знаеме и „содржината“ но..) Симулации и дебати за проценка. Како градиме модерни ставови, судови и предрасуди.
3. „Сакав да кажам, но не ме сфати...“ Споделување на лични примери од искуства и изведување симулации за споредување на MSN/SMS/телефон- со предностите на жива средба за разрешување на проблеми и конфликти.
Б- 1. „Некогаш и сега“- Анализа, претпоставки и проценки на можни социјални и емоционални вредности на сочувани лексикони и споменари од минатото. Споредба, размена на искуства со постарите)
 2. Изработивме заедничка ориентациона листа на прашања за претпоставки и интервју на личност.
3. Секој избра член од семејството или близок другар кој смета дека добро го познава:  Најпрвин сам претпостави одговори на прашањата за него и ги запиша. Потоа запиша одговори за време на жив разговор со него и изработи креативна страница за нашата „Книга на тајните“. Направи споредба- пред и пoсле разговорот.
ФАЗА ДВА:
Подготвивме стикери за сите ученици од нашето училиште. Сега секој ученик „на среќа“ извлекуваше  партнер и ја започнуваше играта „СОСТАНОК НА СЛЕПО“:
ПРВА ЗАДАЧА: 1. Истражување и претпоставки за да ги одговори прашањата за него, без комуникација со него.  ВТОРА ЗАДАЧА: 1. Интервју во живо 2. Заедно ги споредуваа претходните претпоставки и разговараа за нив, од каде дошле, зошто мислев дека... 3. Цртаа заедничка „селфи фотографија“ и отпечатоци на дланките за спомен. ТРЕТА ЗАДАЧА: Играчот изработуваше креативна страница за својот партнер, прилог за нашатаКнига на тајните“.
ФАЗА ТРИ
1. На што повеќе се радувам? (Избор: а/копи-пасте честитка, б/анимирана слика или в/порака напишана или искажана само за мене) Симулации и предизвици.
 2. „Подари убав ден“ Предлагавме активности за групни и поединечни роденденски изненадувања во живо и бесплатни подароци. Креиравме лични пораки за честитање на разни прилики, наместо копи-пасте решенија.
3. Родендените ги запишавме на посебни ливчиња по одделенија. Потоа ги класифициравме по годишни времиња и месеци. Ги подредувавме според редослед на датум. Изработивме училишен роденденски календар.
Ги унапредивме  вештините за  комуникација дури и помеѓу деца од различна возраст. Имаме спремна училишна „Книга на тајните“ и „Роденденски календар“ на целото училиште, подготвени преку тимска работа и соработка на сите ученици, незaвисно од возраста.  Видовме дека набљудувањето и „рекла-казала“ од страна често овозможува  претпоставки и предрасуди, а разговорот во живо отвара фер прилики за вистинско запознавање. Сфативме дека проблемите побрзо и посигурно се решаваат при разговор во очи, а родендените на блиските не се честитаат со спремна копи-пасте анимација.  Активноста продолжува со IV фаза во второ полугодие, во насока на изведување активности и симулации за вешта комуникација во различни реални животни ситуации („Избери што ќе кажеш следно за време на разни, случки во ресторан, на шалтер, во автобус...)